حضورك الرقمي لازم يجيبلك حرفاء، موش كان إعجابات
وجودك على مواقع التواصل الاجتماعي موش الهدف في حدّ ذاتو. الهدف إنو الناس تعرفك، تفهم شنوّة تقدّم، تثق فيك، وبعد تتواصل معاك، تحجز، تطلب خدمتك أو تشري منك.
نعاون أصحاب المشاريع، الشركات الصغيرة والمتوسطة والمؤسسات في تونس وخارج تونس باش يحوّلوا حضورهم الرقمي إلى طلبات، مواعيد، فرص بيع ونتائج ملموسة. تنجم تتعلّم كيفاش تعمل هذا وحدك، أو نخدموا معاك خطوة بخطوة، أو نتكفّلوا بالاتصال الرقمي متاع مشروعك.
خبرتي موش كان في إعطاء الدورات. منذ 2018، نخدم يوميًا على حسابات ومشاريع حقيقية، بميزانيات إعلانية حقيقية، جماهير مختلفة، أهداف تجارية واضحة، ومنصات تتبدّل باستمرار. وهذا بالضبط اللي يفرّق بين معلومات قريتها في مقال، وحاجة جرّبتها وطبّقتها على أرض الواقع.
أكثر من 8 سنين خبرة في التسويق الرقمي، بين التطبيق والتدريب
منذ 2018، خدمت مع أصحاب مشاريع، شركات، مقدّمي خدمات ومؤسسات في قطاعات مختلفة. نخطّط للاستراتيجيات، نبني المحتوى، نحلّل النتائج، نجرّب الحملات الإعلانية، ونعدّل الخطط حسب الأرقام. وهذا يخلّي التكوين أو المرافقة مرتبطين بالواقع: الحاجة اللي تتعلّمها معايا موش نظرية بعيدة على السوق، أما طريقة خدمة قاعدة تتطبّق على مشاريع حقيقية.
المشاهدات وحدها ما تكفيش، والإعجابات وحدها ما تكفيش. قبل ما نبدأوا، نحدّدوا شنوّة النتيجة اللي نحبّوا نوصلولها: عدد طلبات التواصل، المواعيد، التسجيلات، المبيعات ولا العملاء المحتملين. وبعد نتابعوا الأرقام ونشوفوا شنوّة خدم وشنوّة يلزم يتبدّل.
التعلّم الحقيقي يبدأ وقت تبدأ تطبّق. لهذا، حسب نوع الخدمة، تلقى موارد، تعديلات، إجابات على الأسئلة ومتابعة تساعدك تطبّق اللي خدمنا عليه.
تحب تتعلّم تعمل التسويق وحدك، ولا تحب شكون يتكفّل بيه معاك؟
هذي أهم نقطة تحدّد الخدمة المناسبة ليك. وإذا موش واضح عندك شنوّة تحتاج بالضبط، تبدأ بجلسة استشارة ونحدّدوا مع بعضنا أنسب حل.
عندك أفكار، أما مشروعك ما يتحرّكش
تعرف اللي لازمك تخدم على التسويق، عندك أفكار ومشاريع وحاجات تحب تعملها… أما كل مرة تبدأ من جديد. في جلسة استشارة لمدة ساعتين، نحلّلوا وضع مشروعك، نحدّدوا المشكل الحقيقي ونخرجو بخطة مكتوبة لمدة شهرين إلى ثلاثة أشهر.
احجز جلسة استشارة ←تحب تتعلّم تعملها وحدك
إذا تحب تفهم الإعلانات الرقمية، صناعة المحتوى، التسويق عبر مواقع التواصل الاجتماعي أو لينكدإن، تنجم تختار دورة حسب حاجتك ومستواك. نخدموا قدر الإمكان على حساباتك ومشروعك والحالات الحقيقية اللي تواجه فيها. متوفر للأفراد ولفرق العمل.
اكتشف الدورات والتكوينات ←تحب مرافقة خاصة بمشروعك
نخدموا على وضع مشروعك، تحديد موقعك في السوق، طريقة تقديم خدماتك، استراتيجية المحتوى، تنظيم الأفكار، التصوير، وكيفاش تنجم تولّي تنتج المحتوى بطريقة أوضح وأسهل. في الآخر ما يكونش عندك كان معلومات: يكون عندك نظام وخطة ومحتوى جاهز للتنفيذ.
اكتشف برنامج المرافقة ←تحبنا نتكفّلوا بالاتصال الرقمي متاعك
إذا ما عندكش الوقت باش تخطّط، تصوّر، تكتب، تنشر، تتابع الحملات وتحلّل الأرقام، تنجم تفوّض الخدمة لفريقنا: الاستراتيجية، صناعة المحتوى، التصوير، النشر، إدارة الحسابات، الحملات الإعلانية، متابعة الأداء والتقارير الشهرية. إنت تركّز على خدمتك، وإحنا نركّزوا على حضورك الرقمي.
اطلب تحليل لحساباتك ←أرقام واضحة، موش كان صور نتائج
من أكثر من 100 حريف ومشروع تمت مرافقتهم منذ 2018، هاذم بعض الأمثلة. والثلاث نتائج الأولى تحقّقت من غير ميزانية إعلانية.
من 300 إلى 1100 متابع
خلال شهرين فقط ومن غير إعلانات ممولة. أكثر من 20 ألف مشاهدة طبيعية للمحتوى، بالإضافة إلى دعوة للظهور في إذاعة موزاييك.
الدكتورة هاجر الجندوبي · طبيبة مختصة في التغذية
نمو المتابعين بأكثر من 300٪
خلال 36 شهر من التعاون المستمر، في سوق شركات وباللغة الفرنسية، وعلى بعد آلاف الكيلومترات من تونس.
ديمبو · برنامج محاسبة
ارتفاع المواعيد بـ40٪
وأكثر من 60 ألف مشاهدة طبيعية خلال شهرين، من غير إعلانات ممولة. النتيجة جات من محتوى يجاوب على الأسئلة الحقيقية اللي يبحث عليها الجمهور.
مستشارة معتمدة في الرضاعة الطبيعية
نسبة تفاعل وصلت إلى 8٪
مع نمو المجتمع على فيسبوك وإنستغرام بأكثر من 85٪، من خلال هوية بصرية واضحة ومحتوى منسجم مع صورة العلامة.
فيناغريت · مطعم في المرسى
اسمع منهم، موش مني
مشاركين في الدورات والمرافقة يحكيو شنوّة تبدّل عندهم بعد التطبيق، وشنوّة استفادوا فعليًا.
أول خطوة: نفهموا وضعك
قبل أي خدمة، المهم نفهموا شنوّة تحتاج بالضبط. موش كل مشروع يحتاج نفس الحل: يمكن تحتاج استشارة فقط، يمكن تكوين، يمكن مرافقة على عدة أسابيع. ويمكن أصلًا الخدمة اللي نوفّرها موش هي الأنسب ليك، وفي الحالة هاذي نقولهالك بوضوح.
احجز أول تواصل- 1تحكيلي على وضعكوين وصلت؟ شنوّة تحب تحقّق؟ شنوّة اللي واقف قدامك؟ وشنوّة جرّبت قبل؟
- 2نحلّل الحاجة الحقيقيةنحدّد إذا نجم نعاونك، شنوّة الحل الأنسب، ومنين يلزم تبدأ.
- 3نقرّروا الخطوة الجايةاستشارة، تكوين، مرافقة، إدارة كاملة، أو حتى ما نعملوا شي إذا ما فماش حاجة حقيقية للخدمة.
الأسئلة اللي تتعاود أكثر
شنوّة الفرق بين الاستشارة وبرنامج المرافقة؟
الاستشارة هي جلسة مركّزة نحلّلوا فيها مشروعك، نحدّدوا المشكل، ونبنيو خطة واضحة للمرحلة الجاية. أما برنامج المرافقة، فهو مناسب إذا تحب نواصلوا نخدموا مع بعضنا على التطبيق والتطوير خطوة بخطوة على عدة جلسات.
هل تخدمي مع حرفاء خارج تونس؟
نعم. الخدمات والاستشارات والتكوينات عن بعد متاحة للحرفاء داخل تونس وخارجها. سبق واشتغلت مع مشاريع في أسواق مختلفة، منها أوروبا وكندا.
بأي لغة تنجم تكون الخدمة؟
الجلسات والتكوينات تنجم تكون بالعربية أو بالفرنسية حسب الجمهور وطبيعة المشروع.
لازم ميزانية إعلانية باش نجيب نتائج؟
موش بالضرورة. الإعلانات تنجم تسرّع الوصول، أما موش حل لمشروع ما عندوش عرض واضح أو استراتيجية صحيحة. في بعض الحالات، النتائج تنجم تتحقّق بالمحتوى والوصول الطبيعي فقط. وفي حالات أخرى، الإعلانات تكون جزء مهم من الاستراتيجية. القرار يتاخذ حسب المشروع والهدف، موش لأن « الناس الكل تعمل إعلانات ».
في قدّاش نتحصّل على رد؟
عادة الرد يكون خلال 24 إلى 48 ساعة عمل.
شنوّة لو نبدأوا بوضع مشروعك إنت؟
ساعتين من الاستشارة ينجموا أحيانًا يحلّوا مشاكل وقرارات معلّقة من أشهر. عوض ما تواصل تجرّب حاجات مختلفة من غير ما تعرف شنوّة فعلاً يخدم، نحلّلوا الصورة كاملة ونحدّدوا الخطوة الجاية. وإذا تحب تسأل على حاجة قبل ما تحجز، تنجم تتواصل مباشرة.