استشارة في التسويق الرقمي في تونس: ساعتين باش تبني استراتيجية واضحة لمشروعك
عندك برشا أفكار لمشروعك، تنشر على مواقع التواصل الاجتماعي، تجرّب أكثر من طريقة… أما في الآخر ماكش عارف شنوّة قاعد يعطي نتيجة وشنوّة لازمك تبدّل؟
يمكن عندك ظهور وتفاعل، أما ما فماش طلبات. يمكن تنشر بانتظام، أما المحتوى ما يجيبلكش حرفاء. ويمكن المشكل موش في المحتوى أصلاً، أما في طريقة تقديم خدمتك، تحديد جمهورك، الأسعار، ولا طريقة البيع.
في جلسة استشارة في التسويق الرقمي مدّتها ساعتين، نخدموا مباشرة على مشروعك باش نفهموا وين المشكل، نحدّدوا الأولويات، ونبنيو استراتيجية تسويق ومحتوى واضحة تنجم تبدأ تطبّقها مباشرة.
موش مستعد تاخو جلسة استشارة كاملة؟ استراتيجيتي في 15 دقيقة هي أداة إلكترونية تساعدك تبني استراتيجية خاصة بمشروعك: تجاوب على 6 أسئلة، وتتحصّل مباشرة على استراتيجية محتوى وخطة نشر لمدة شهر كامل. من غير موعد ومن غير انتظار.
الاستشارة هاذي تنفعك إذا…
باش تطلق مشروع جديد
عندك الفكرة، ويمكن حتى الخدمة ولا المنتوج جاهز، أما موش عارف منين تبدأ في التسويق وشنوّة الأولويات متاعك.
تنشر، أما المحتوى ما يجيبلكش حرفاء
تعمل فيديوهات ومنشورات وقصص، ويمكن حتى عندك مشاهدات وتفاعل… أما في الآخر ما فماش طلبات ولا مبيعات بالنتيجة اللي تستناها.
تلقى صعوبة باش تفسّر شنوّة تقدّم
إنت تعرف خدمتك مليح. أما كي يجي شخص يسألك « شنوّة بالضبط تقدّم؟ وعلاش نختارك إنت؟ » تلقى صعوبة باش تجاوب بجملة بسيطة وواضحة تخليه يفهم القيمة اللي باش ياخذها.
تفكّر تستثمر في الإعلانات المموّلة
أما موش عارف هل هذا هو الوقت المناسب، شنوّة لازم تروّج، شكون تستهدف، وعلى أي منصة تبدأ.
تحب تبني صورة مهنية قوية حول اسمك
عندك تجربة وخبرة في مجالك، أما حضورك على مواقع التواصل الاجتماعي مازال ما يعكسش القيمة الحقيقية اللي تنجم تقدّمها. تحب الناس كي تشوف اسمك ولا المحتوى متاعك، تفهم مباشرة اختصاصك وشنوّة تنجم تعاونهم فيه.
شنوّة نخدموا خلال الساعتين؟
الجلسة هاذي موش دورة تكوينية، وما باش نقعدوش ساعتين نحكيو على نظريات عامة في التسويق. باش نخدموا على مشروعك إنت. والجلسة تتقسم إلى 3 مراحل أساسية.
نفهموا وين إنت توا
قبل ما نبحثوا على الحل، لازمنا نحدّدوا المشكل الصحيح.
نشوفوا مشروعك، الخدمات ولا المنتجات اللي تقدّمها، حضورك الرقمي، المحتوى اللي تعمل فيه، والحاجات اللي جرّبتها قبل. بعد نركّزوا على الحريف اللي تحب توصله:
- شكون هو الحريف المثالي متاعك؟
- شنوّة يحب؟ وشنوّة المشكل اللي يحب يحلّه؟
- شنوّة يخليه يتردّد قبل ما يشري؟
- شنوّة الأسئلة اللي تدور في باله؟ ووين موجود؟
- شنوّة لازم يسمع ويشوف منك قبل ما يثق فيك ويقرّر يتعامل معاك؟
الهدف إنك ما عادش تعمل تسويق لـ « الناس الكل ». نعرفوا بالضبط شكون نحكيو معاه، شنوّة نقولوله، وعلاش.
نوضّحوا شنوّة تبيع وشنوّة القيمة اللي تقدّمها
برشا مرات، المشكل موش إنو الخدمة موش باهية. المشكل إنو الحريف ما فهمش علاش يحتاجها.
نراجعوا طريقة تقديم خدمتك أو منتوجك، موقعك في السوق، والقيمة اللي توعد بيها الحريف. نشوفوا كيفاش تنجم تقدّم خدمتك بطريقة أبسط وأوضح، وكيفاش تخلي الشخص يفهم بسرعة: شنوّة تقدّم؟ لشكون؟ شنوّة المشكل اللي تحلّه؟ وشنوّة النتيجة اللي ينجم ياخذها؟
وإذا المشكل مربوط بالأسعار أو طريقة البيع، نخدموا عليهم زادة:
- هل السعر متاعك منطقي مقارنة بالقيمة اللي تقدّمها؟
- كيفاش تقدّم السعر للحريف؟
- هل خدمتك واضحة ولا فيها برشا تفاصيل تشتّت؟
- هل يلزم تعاود تقسّم الخدمات؟
- هل طريقة البيع نفسها هي اللي قاعدة تعطّل القرار؟
الهدف موش نلقاو كلام تسويقي « حلو ». الهدف إنو الحريف يفهم القيمة ويعرف علاش يختارك.
نبنيو استراتيجية تسويق ومحتوى واضحة
بعد ما نفهموا المشروع، الحريف والخدمة، نحدّدوا شنوّة يلزمك تعمل خلال الفترة الجاية.
نبنيو استراتيجية تسويق رقمي واستراتيجية محتوى مناسبة لمشروعك وأهدافك، ونحدّدوا:
- شنوّة المنصات اللي تستحق تركّز عليها؟
- شنوّة أنواع المحتوى اللي تخدم مع مشروعك؟
- شنوّة المواضيع اللي لازم تحكي عليها؟
- كيفاش المحتوى متاعك ينجم يبني الثقة؟
- كيفاش تحوّل المتابع من شخص يتفرّج إلى شخص مهتم بخدمتك؟
- هل تحتاج إعلانات مموّلة في المرحلة هاذي ولا لا؟
- وشنوّة الأولويات اللي لازم تبدأ بيها؟
وفي الآخر، نخرجو بخارطة طريق واضحة لمدة شهرين إلى 3 أشهر. وطول الجلسة تنجم تسأل على أي نقطة خاصة بمشروعك، خاطر هاذي جلستك إنت، موش عرض جاهز يتعاود بنفس الطريقة مع الناس الكل.
شنوّة تاخو بعد الاستشارة؟
بعد ساعتين، ما تخرجش كان بشوية أفكار وملاحظات كتبتهم بسرعة. كل الخدمة اللي عملناها تتنظّم وتتبعثلك مكتوبة وواضحة.
ملخّص للوضع الحالي، المشاكل اللي حدّدناها، والنقاط اللي لازم تخدم عليها.
باش تعرف شكون تخاطب، شنوّة يهمّه، وشنوّة الرسالة اللي لازم توصلهالو.
مع محاور وأفكار محتوى مرتبطة بأهدافك، تنجم تحوّلها إلى فيديوهات، منشورات وقصص.
باش ما عادش كل نهار تسأل روحك « شنوّة ننشر اليوم؟ »، وتكون عندك رؤية أوضح للمحتوى والفترة.
الأولويات والخطوات تكون مرتّبة باش تعرف شنوّة تعمل أولاً وشنوّة يجي بعد.
إذا الأسعار ولا طريقة البيع من المشاكل اللي قاعدة تعطّل المشروع، نخدموا عليهم خلال الجلسة.
خاطر ساعات السؤال الحقيقي يظهر وقت تبدأ تطبّق.
كيفاش تصير استشارة التسويق الرقمي؟
الجلسة فردية ومدّتها ساعتين. تنجم تكون عن بعد عبر زووم، أو حضوريًا في تونس العاصمة. وتنجم تختار الجلسة بالعربي أو بالفرنسي حسب اللغة اللي ترتاح بيها أكثر.
جلسة واحدة ولا مرافقة على عدة أشهر؟
الفرق بسيط. في جلسة الاستشارة، نشخّصوا الوضع، نوضّحوا المشاكل، ناخذوا القرارات ونبنيو الخطة، وبعد الجلسة إنت تتكفّل بالتنفيذ. أما إذا تحب نخدموا على التنفيذ مع بعضنا خطوة بخطوة، أسبوع بعد أسبوع، الأنسب ليك هو برنامج المرافقة المكوّن من ست جلسات. وإذا تحب تفوّض إدارة حساباتك وصناعة المحتوى، تنجم تختار الإدارة الشاملة لمواقع التواصل الاجتماعي.
جلسة عمل حقيقية، موش عرض نظري
خلال الساعتين، ما تجيش باش تسمعني نحكي وحدي على التسويق. نخدموا مع بعضنا على مشروعك: نسأل، نحلّل، نشوفوا الحسابات والأرقام إذا موجودة، نراجعوا اللي تعمل فيه، نناقشوا الحلول، وناخذوا قرارات. إنت باش تحكي وتسأل بقدر ما نحكي أنا. الهدف إنك في آخر الجلسة تعرف وين إنت توا، شنوّة المشكل الحقيقي، شنوّة الأولويات، وشنوّة أول خطوة لازم تعملها بعد الجلسة.
أسئلة تتعاود برشا على استشارة التسويق الرقمي
قدّاش تدوم جلسة الاستشارة؟
الجلسة تدوم ساعتين كاملين. خلال الساعتين نخدموا على وضع مشروعك الحالي، الحريف المستهدف، طريقة تقديم خدمتك، موقعك في السوق، استراتيجية التسويق والمحتوى، ونحدّدوا الأولويات والخطوات الجاية.
الجلسة عن بعد ولا حضورية؟
الزوز ممكنين. تنجم تعمل الاستشارة عن بعد عبر زووم أو حضوريًا في تونس العاصمة. والجلسة متوفرة بالعربي أو بالفرنسي.
شنوّة الفرق بين الاستشارة وبرنامج المرافقة؟
الاستشارة هي جلسة مركّزة مدّتها ساعتين: نحلّلوا الوضع، نحدّدوا المشاكل، ناخذوا القرارات ونبنيو استراتيجية وخارطة طريق. أما برنامج المرافقة فهو مناسب أكثر إذا تحب نواصلوا نخدموا مع بعضنا على التنفيذ والتطوير على عدة جلسات. بمعنى أبسط: الاستشارة = نفهموا + نقرّروا + نبنيو الخطة. المرافقة = نبنيو + نطبّقوا + نطوّروا مع بعضنا.
شنوّة يصير بعد الجلسة؟
بعد الاستشارة يوصلك العمل اللي قمنا بيه منظّم ومكتوب، مع التشخيص، الاستراتيجية، التوصيات وخارطة الطريق. وعندك متابعة قصيرة للأسئلة اللي تنجم تظهر وقت تبدأ تطبّق.
لازم نحضّر حاجة قبل الاستشارة؟
إذا عندك موقع إلكتروني، حسابات على مواقع التواصل الاجتماعي، عروض خدمات، إحصائيات، أرقام مبيعات، أو نتائج حملات إعلانية سابقة، حضّرهم. كل ما تكون عندنا معلومات أكثر، ننجّموا نستغلّوا الساعتين بطريقة أفضل. أما إذا مشروعك مازال في البداية وما عندكش الأرقام هاذم، ما فما حتى مشكل: نبدأوا من المرحلة اللي إنت فيها.
جلسة استشارة معايا ولا استراتيجيتك في 15 دقيقة؟
الزوز يعطيوك اتجاه واستراتيجية واضحة. الفرق هو قدّاش تحتاج تحليل وتخصيص لمشروعك.
استراتيجيتي في 15 دقيقة
30 دينار
أداة إلكترونية تطبّق طريقتي على مشروعك. تجاوب على 6 أسئلة، وتتحصّل على استراتيجية محتوى تنجم تبدأ تخدم بيها مباشرة.
- ✓متوفرة مباشرة وفي أي وقت
- ✓تحديد موقعك في السوق وطريقة تقديم نشاطك
- ✓اختيار المنصة المناسبة
- ✓تحديد 3 محاور رئيسية للمحتوى
- ✓خطة محتوى لمدة 30 يوم، يومًا بيوم
- ✓تنجم تحمّل الاستراتيجية وتحتفظ بيها
- –ما فماش تواصل مباشر معايا
- –ما نحلّليش شخصيًا حساباتك وأرقامك
مناسب ليك إذا: مازلت في البداية، تحب اتجاه واضح بسرعة، أو تحب تجرّب الطريقة قبل ما تاخو جلسة استشارة فردية.
ابني استراتيجيتك توا بـ30 ديناراستشارة فردية لمدة ساعتين
السعر حسب المشروع
هنا نخدم معاك مباشرة على وضع مشروعك الحقيقي: نشوف حساباتك، الأرقام المتوفرة، الخدمات اللي تقدّمها، طريقة التسويق الحالية والمشاكل اللي تواجه فيها.
- ✓تحليل كامل لوضع مشروعك
- ✓تحليل حساباتك والنتائج الحالية
- ✓تحديد الحريف المستهدف
- ✓مراجعة طريقة تقديم خدمتك
- ✓بناء استراتيجية تسويق ومحتوى
- ✓الإجابة على الأسئلة الخاصة بمشروعك
- ✓تحديد الأولويات مع بعضنا
- ✓خارطة طريق مكتوبة
- ✓توصية واضحة للمرحلة الجاية
مناسبة ليك إذا: صارلك مدة تحاول وحدك ومازلت موش عارف وين المشكل، ولا جرّبت أكثر من طريقة وما وصلتش للنتيجة اللي تستناها، ولا مشروعك عنده وضع خاص ويحتاج تحليل أعمق قبل اتخاذ القرار.
احجز استشارتك في التسويق الرقميوتنجم تبدأ بـ « استراتيجيتي في 15 دقيقة » وبعد تاخو جلسة استشارة. وفي الحالة هاذي، الـ30 دينار يتنحّاو من سعر الاستشارة.
احجز استشارتك في التسويق الرقمي
احكيلي باختصار على مشروعك وشنوّة أكثر حاجة واقفتلك توا. بعد ما تبعث الطلب، نرجعلك بالموعد المتاح، طريقة إجراء الجلسة والسعر.
الحقول اللي فيها * إجبارية.
ساعتين ينجموا يوفّروا عليك أشهر من التجارب العشوائية
إذا صارلك مدة تنشر، تبدّل، تجرّب، توقف وترجع من جديد، يمكن اللي ناقصك موش فكرة جديدة. يمكن اللي ناقصك إنك تعرف شنوّة بالضبط لازم تعمل، وشنوّة ما عادش لازم تعمل.
احجز جلستك ونشوفوا مشروعك ككل. وإذا بعد ما نفهم وضعك نلقى إنو خدمة أخرى أنسب ليك من الاستشارة، نقولهالك قبل ما نبدأوا.